Renfe volve a ocuparse do FEVE tras as denuncias de abandono deste servizo

Anuncia que amplía os horarios do FEVE entre Ferrol e Ortigueira.

Por Europa Press / Redacción | Ortigueira | 03/11/2020 | Actualizada ás 13:24

Comparte esta noticia

Renfe informou de amplía desde o vindeiro luns, 9 de novembro, os servizos de proximidade de Ancho Métrico, o coñecido como FEVE, entre Ferrol e Ortigueira con dous servizos, un por sentido, entre ambas as localidades; máis un que circulará os domingos.

Os dous novos servizos circularán de luns a venres con saída de Ortigueira ás 6,35 horas e chegada a Ferrol ás 7,51 horas. En sentido inverso, sairá de Ferrol ás 20,05 horas e chegará a Ortigueira ás 21,22 horas.

Ademais, os domingos haberá un tren entre Ferrol e Ortigueira con saída ás 20,52 e chegada ás 22,09 horas. Desta forma, a oferta diaria de trens de proximidade de Ancho Métrico en Galicia sitúase en 16 servizos de luns a venres; catro os sábados e cinco os domingos.

Os novos servizos responden, remarca Renfe, ao compromiso adquirido na reunión mantida o pasado 14 de outubro coa alcaldesa de Moeche e os alcaldes de Burela, San Sadurniño, Ortigueira e Cerdido co fin de mellorar o servizo de Ancho Métrico e estudar a incorporación destes servizos entre Ortigueira e Ferrol.

Tren FEVE na estación de Cerdido
Tren FEVE na estación de Cerdido | Fonte: Piotr Kłos en Wikipedia.

Comparte esta noticia
¿Gústache esta noticia?
Colabora para que sexan moitas máis activando GCplus
Que é GC plus? Achegas    icona Paypal icona VISA
Comenta