As confrarías galegas protestan polo que cualifican de "catastrófico" recorte de cotas

"Non sabemos se se van a despezar barcos ou se se vai a ir ao paro, porque isto non é viable, é muucho recorte o que fixeron en moitas especies" di presidente das confrarías galegas, José Antonio Pérez Sieira.

Por E.P. | SANTIAGO DE COMPOSTELA | 17/12/2020 | Actualizada ás 15:32

Comparte esta noticia

O presidente das confrarías galegas, José Antonio Pérez Sieira, tacha o acordo de TAC e cotas na UE para 2021 como "catastrófico", cun recorte que leva ao sector á "ruína" tras un ano "dramático" pola pandemia.

Barco galego, mar, pesca, cotas. XUNTA - Arquivo
Barco galego, mar, pesca, cotas. XUNTA - Arquivo | Fonte: Europa Press

O presidente da Federación Galega de Confrarías denuncia que este recorte "é un desastre". A frota galega "está moi preocupada", porque "só se rebaixou un pouco" a baixada prevista para a pescada, que descende un 5%, mentres caen "unha chea" as posibilidades de pesca noutras especies.

Así, quéixase do descenso 20% no linguado do Cantábrico, unido a diminución en especies como lagostino, galo e abadexo.

Tamén chama a atención sobre que "preocupa" para a pesca artesanal o descenso na raia, pois no primeiro trimestre de 1.380 toneladas agora "queda en 380 toneladas".

"Isto lévanos á ruína totalmente, non sabemos se se van a despezar barcos ou se se vai a ir ao paro, porque isto non é viable, é muucho recorte o que fixeron en moitas especies", clama.

"INASUMIBLE"

Este recorte de cotas para 2021 chega nun momento "dramático" para a frota pola pandemia e a incerteza sobre o que sucederá co Brexit.

"Lamento moito que Bruxelas non sexa máis sensible coa situación do sector", critica Pérez Sieira. "Nin aínda que houbese o tema do covid, con esta rebaixa de cotas é inasumible, non se pode manter a pesca, pero en toda España, non falo de Galicia só", agrega.

A UE prorroga tres meses as cotas para poboacións compartidas con Reino Unido á espera dun acordo sobre o Brexit, pero o presidente das confrarías galegas xa avanza que "se presenta un ano moi complicado" en 2021. "O deste ano é inasumible", apostila.

Ademais, o representante da Federación Galega de Confrarías ve "moi difícil" que futuros intercambios de especies entre países sirvan para paliar estes recortes.

Comparte esta noticia
¿Gústache esta noticia?
Colabora para que sexan moitas máis activando GCplus
Que é GC plus? Achegas    icona Paypal icona VISA
Comenta