O galego, unha lingua "estranxeira" nos xulgados: "só se emprega no 1% dos procesos"

A Mesa denuncia "vulneración" dos dereitos lingüísticos e anuncia que acudirá á Xunta.

Por Galicia Confidencial | SANTIAGO DE COMPOSTELA | 21/01/2021 | Actualizada ás 11:37

Comparte esta noticia

Nova denuncia a respecto do emprego da lingua galega na Administración. A Mesa pola Normalización Lingüística vén de facer públicas unhas estatísticas a respecto do emprego do galego nos xulgados da Comunidade que dan proba dun uso pouco menos que testemuñal. En total, e segundo datos da plataforma, nos xulgados do social o emprego do galego é inferior ao 1%, unha circunstancia que a Mesa entende como "vulneración dos dereitos lingüísticos".

Imaxe de arquivo dun xuízo. Pool
Imaxe de arquivo dun xuízo. Pool

A problemática que, a ollos da plataforma, subxace ao reducido emprego non é outra que unha "estranxeirización" do galego nos eidos legais. Neste aspecto, a plataforma comandada por Marcos Maceiras denuncia que a aplicación Minerva --empregada para tramitar os expedientes legais-- nin sequera está dispoñible en lingua galega. Esta carencia "fai imposíbel o uso do galego por parte dos e das profesionais da administración pública de xustiza", segundo explican. 

Neste contexto, a Mesa denuncia un incumprimento "sistemático" da Carta europea das linguas minorizadas, que sinala que, de darse a petición dunha das partes dun proceso xudicial, este terá que se celebrar na lingua minorizada. En Galicia un 20% dos xuízos reciben tal petición, pero só o 1% do total remata facendo emprego do galego, proporción que, a ollos da Mesa, constitúe un incumprimento da nomeada regulación europea. 

A XUNTA "NON PON INTERESE"

Ante estas circunstancias, a Mesa anuncia que vén de solicitar unha xuntanza co director xeral de xustiza da Xunta de Galiza para instalo a iniciar "canto antes" a tradución da aplicación Minerva e dos seus modelos. O obxectivo é que a norma apuntada, á que se une o Estatuto e a normativa de normalización lingüística, sexa cumprida. "A pesar da normativa que defende o seu uso, o galego está presente en menos do 5% da documentación xerada pola xustiza no noso país, sen que a Xunta poña interese en solucionalo", lamenta o presidente da plataforma, Marcos Maceira.

Comparte esta noticia
¿Gústache esta noticia?
Colabora para que sexan moitas máis activando GCplus
Que é GC plus? Achegas    icona Paypal icona VISA
Comenta
Comentarios 4 comentarios

1 uu1

Este é um bom resume das políticas linguísticas dos últimos quarenta anos! Antes da oficialidade do idioma galego e a entrada em vigor da normativa “Filgueira” a situação do nosso idioma era: Era falado pelo 75%, agora pelo 50%, reduzindo-se ao 26% nos menores de 15 anos. Não podia ser usado em nenhuma instancia oficial, agora já o temos no 1% da justiça, no 4% na programação infantil, no 1% nos seguros e o 0.6% nos joguetes! Conclusão, as políticas linguísticas são um FRACASSO, porque os pequeníssimos, case ridículos, não compensam a realidade de que o idioma galego vai caminho da desaparição, no melhor dos casos, da redução a esse 26% comentado anteriormente.

1 nostrus

A culpa de esa situacion é pola propia dimension do idioma e non porque se lle teña manía. A min para nada me preocupa a situacion do galego mentras os galegos podamos usalo. Por outra banda decirche que eu recordo tempos nos que o catolicismo gozaba de moita mellor saude que hoxe e a min tampouco me preocupa a súa situacion mentras a xente teña liberdade de practicala. ¿Preocúpache a ti a situacion da relixión?..ao mellor é porque non es moi devoto, pero hai moita xente que si o é, e non pide que os demais comulquemos coa súa fe.

2 Amancio

Caro amigo nostrus, infelizmente só dis asneiras. Primeiro porque é tan lexítimo estares preocupado pola situación da 'liberdade' (sexa o que for iso, eu tamén sei de moita xente que dicia que con Franco había máis liberdade) como pola saúde do galego. E segundo porque todos os cristiáns temos o deber de evanxelizar, o cal non é exixir, mais si promocionar o coñecimento da nosa Fe entre aqueles que están afastados de Deus.

3 uu1

Pois resulta que Nostrus está preocupado porque, hoje em dia, e no artigo fica bem demostrado, os galegos NÃO podemos usar a nossa língua mais que de forma testemunhal, litúrgica ou com um mesmo! Mas seguro que o que está é a sorrir fazendo gala do seu supremacismo, porque a tendência atual, e ele e bem consciente, leva a desaparição do idioma galego. Que tomem nota os bem intencionados que acham que continuar com as políticas linguísticas atuais podem ser favoráveis a supervivência da língua. Temos que ser audazes e propor outras alternativas, não é suficiente ter 2 canais de 30 na TDT, 1 jornal escrito, poucos digitais, poucas revistas, livros, etc. Precisamos aproveitar-nos de todos os contidos disponíveis nas variedades da nossa língua nos meios habituais. FALEMOS GALEGO E APROVEITEMOS OS RECURSOS DISPONÍVEIS DAS VARIEDADES DO NOSSO IDIOMA