Por E.P. | PONTEVEDRA | 02/02/2021 | Actualizada ás 13:21
O Servizo Galego de Saúde (Sergas) convocou a unhas 3.000 persoas de entre 40 e 79 anos de idade a un cribado para detectar casos de Covid que levará a cabo entre este mércores e o sábado no municipio de Ponte Caldelas.
Segundo informou a área Sanitaria de Pontevedra e O Salnés, este cribado enmárcase nos que realiza o Sergas con test rápidos de antíxenos para detectar o "maior número posible de portadores asintomáticos", o que permitirá, matiza, "reducir a cifra de contaxios por coronavirus nesta localidade.
Así, este cribado voluntario terá lugar no centro de saúde de Ponte Caldelas desde este mércores ata o vindeiro venres día 5 en horario de tarde --a partir das 15,30 horas-- e en horario de mañá --a partir das 9,30 horas-- o sábado 6 de febreiro. Para iso, a Administración sanitaria vai convocar vía SMS telefónico á poboación deste municipio de 40 a 79 anos de idade, colectivo que supón unhas 3.000 persoas.
ORDES
Por outra banda, a área Sanitaria de Santiago e Barbanza levará a cabo outro cribado para detectar casos de coronavirus, nesta ocasión comezará este mércores no municipio coruñés de Ordes con 2.300 persoas convocadas.
Segundo informou a área sanitaria, este cribado levarase a cabo entre este mércores, xoves e venres cunha mostra aleatoria de 2.300 cidadáns de entre 18 e 65 anos de idade que serán citados por SMS para acudir ao centro de saúde de 16,00 a 19,45 horas.
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións).
Agradecemos a túa colaboración.