#LateNight para celebrar o Día dos Medios en Galego

Un Late Nigth. Ese é o formato elixido pola Asociación dos Medios en Galego (Amega) para celebrar o Día dos Medios en Galegos que tivo lugar o 7 de febreiro pero que, polas restricións da pandemia non se puido celebrar.

A Amega quere conmemorar o gran día dos  medios en galego cun espectáculo este 20 de marzo que será presentado por Fede Pérez Rei e se emitirá en directo ás 18:00h, dende a Casa de Rosalía de Padrón a través das canles de Youtube, Facebook e Twitch da asociación.

O evento conta coa colaboración da Secretaría Xeral de Política Lingüística e a Deputación da Coruña, ademais do apoio da Casa Rosalía.