Sen cambios nas residencias de maiores de Galicia

Os casos de Covid-19 en residencias de maiores mantéñense en 55 ao non rexistrarse novos positivos nin altas, polo que seguen 49 contaxios entre usuarios e seis entre traballadores, concentrados en catro centros.

Segundo os datos actualizados este martes polas consellerías de Sanidade e Política Social, rexístranse 45 usuarios contaxiados na Residencia Coviastec de Silleda; tres na Santa Mariña de Xinzo de Limia e un na DomusVi Laraxe en Cabanas.

Pola súa banda, hai cinco traballadores contaxiados na Residencia Coviastec de Silleda e un na Residencia de Maiores de Caranza, sen cambios nas dúas últimas xornadas.

En canto aos centros de discapacidade na Comunidade galega, estes mantéñense sen infectados entre os seus usuarios e tampouco presentan casos entre os seus traballadores.

Dous traballadores sanitarios totalmente protexidos acoden á residencia de anciáns de San Cibrao onde se orixinou un gromo de Covid-19, a 9 de novembro de 2020 / Carlos Castro - Europa Press. / Europa Press