Por E.P. | PONTEVEDRA | 06/04/2021 | Actualizada ás 12:32
A factoría de Ence en Pontevedra retomou a súa actividade despois de completar de forma "satisfactoria" a súa parada técnica anual, segundo informa este martes a compañía.
Nun comunicado, a empresa explica que a parada da fábrica supuxo un investimento duns 2 millóns de euros destinados ao mantemento da instalación e a "melloras" na súa "eficiencia e sustentabilidade".
A compañía tamén destaca que as medidas de protección aplicadas durante a parada anual permitiron que non se produciu "ningún contaxio" no interior das súas instalacións.
Durante as dúas semanas de parada, Ence levou a cabo 3.500 test de antígenos a persoal propio e de contratas. O acceso á planta foi controlado a través dun sistema de aplicación móbil que delimitaba a entrada á factoría ás persoas que contasen cun test negativo en covid-19.
Outra das medidas de seguridade orientadas a limitar o contacto entre as persoas dentro da planta foi a división en grupos de traballo para conformar "burbullas independentes".
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións).
Agradecemos a túa colaboración.