A CIG aposta por continuar coas mobilizacións para "impedir" os despedimentos e "a precarización" no BBVA

A CIG aposta por continuar coas mobilizacións e as medidas de presión para tratar de conseguir que o BBVA retire de encima da mesa a proposta de despedimentos e "de precarización" das condicións laobrales.

Segundo reivindica, foi a mobilización a que "obrigou ao banco" a presentar unha proposta de redución do impacto dos expedientes, con recolocacións.

Con todo, advirte de que "aínda que pareza que o banco está a dar pasos importantes, a realidade é que o esforzo que tentan vender é mínimo".

Por iso chama a "manter e intensificar" as accións de protesta e avanza que "nunca" asinará un acordo "coas premisas das que parte" o BBVA.