Os xulgados galegos ditaron un milleiro de sentenzas sobre cláusulas abusivas no primeiro trimestre
Desde a súa posta en marcha, en 2017, estes órganos xudiciais resolveron 13.834 asuntos en Galicia.
Por E.P. | SANTIAGO DE COMPOSTELA | 23/06/2021 | Actualizada ás 17:54
Os xulgados galegos especializados en cláusulas abusivas ditaron un total de 1.037 sentenzas no primeiro trimestre destes anos, segundo datos do Consello Xeral do Poder Xudicial (CGPJ).
Igualmente, o CGPJ acordou prorrogar ata final de ano o plan de especialización en cláusulas abusivas en dezaoito xulgados de oito comunidades autónomas, ningún deles en Galicia.
Desde a súa posta en marcha, o 1 de xuño de 2017, estes órganos xudiciais resolveron 13.834 asuntos en Galicia, o que supón o 66,6% dos 20.763 ingresados desde entón. Unha taxa de resolución superior á media española (62,6%).
Pola súa banda, durante os primeiros tres meses de 2021 ingresaron 1.249 asuntos nos xulgados de Galicia sobre cláusulas abusivas, dos cales se resolveron 1.133.
