GC Aberto

Goberno Inconstitucional

É momento de poñer no seu lugar a quen detentando os Poderes do Estado converten a vida dos cidadáns en "corralitos inconstitucionais" baixo ameaza de multa, exercendo coerción sobre a liberdade de movementos de 47 millóns de persoas. Dende os nenos que non puideron saír á rúa en 3 meses ata os maiores retidos nas súas residencias prisión-tanatorio por Decreto do Goberno! Non lles pode saír gratis.

Por Gamela | GC ABERTO | 03/08/2021

Comparte esta noticia
Grazas a unha votación reveladora (6 contra 5) o Tribunal Constitucional declarou que o confinamento de 3 meses establecidos baixo o Estado de Alarma foi inconstitucional. Polo tano parece que temos un Goberno que ten decretado normas inconstitucionales á mantenta e como calquera outro poder do Estado (Govern de Catalunya) debe recibir sanción polo seu comportamento na medida co devandito comportamento suspendeu dereitos constitucionais de 47 millóns de cidadáns que conformamos a nación.

Un neno cunha máscara asómase á xanela da súa casa durante o confinamento polo coronavirus. Óscar J.Barroso - Europa Press
Un neno cunha máscara asómase á xanela da súa casa durante o confinamento polo coronavirus. Óscar J.Barroso - Europa Press

É o momento de poñer no seu lugar a quen detentando os Poderes do Estado converten a vida dos cidadáns en "corralitos inconstitucionais" baixo ameaza de multa e exercendo coerción sobre a liberdade de movementos de 47 millóns de persoas. Dende os nenos que non puideron saír á rúa en 3 meses ata os maiores retidos nas súas residencias prisión-tanatorio por Decreto do Goberno! Pais, nais, avós abandonados á súa sorte por Decreto do Goberno !

Se decretar 30 segundos a Independencia da República Catalá mereceu sentenza condenatoria do Tribunal Supremo co posterior indulto do Goberno salvo a inabilitación para cargo público, no caso da conculcación dos dereitos individuais de 47 millóns de españois, o Presidente e o seu Consello de Ministros e Ministras deberan quedar inabilitados para calquera cargo público por 30 anos para protexernos de quen ostentando os poderes do Estado utilízaos contra a cidadanía, incurrindo en flagrante delito de inconstitucionalidade. Existe para iso o Artigo 102 1. A responsabilidade criminal do Presidente e os demais membros do Goberno será exixible ante a Sala do Penal do Tribunal Supremo. 2. Se a acusación for por traizón ou por calquera delito contra a seguridade do Estado no exercicio das súas funcións, só poderá ser suscitada por iniciativa da cuarta parte dos membros do Congreso (88 deputados) e coa aprobación da maioría absoluta do mesmo (176 deputados). 3. A prerrogativa real de graza non será aplicable a ningún dos supostos do presente artigo. 

Se Presidente e Consello de Ministros non asumen a súa culpa, sexa o Congreso da nación quen lle retire a súa confianza e convóquense eleccións para coñecer a vontade dos cidadáns e abrir unha nova legislatura na que os principios constitucionais sexan escrupulosamente respectados.

Pola contra que ninguén se estrañe de que o próximo Real Decreto siga o camiño dos anteriores ata a abolición permanente dos dereitos constitucionais.

A cousa non consiste en dirimir se o Goberno actuou ben ou mal decretando confinamento e restrinxindo a mobilidade e a reunión dos cidadáns empregando para iso un Estado de Alarma ou un Estado de Excepción, moi ao contrario do que algúns pensan non se trata de si o Goberno pode ou non pode facer o que lle veña en gana, se non de saber que NINGÚN GOBERNO pode suspender dereitos fundamentais baseándose única e exclusivamente na súa vontade política (seis meses baixo Estado de Alarma!)

O Goberno -como moito- podería suspender dereitos por 30 días (baixo Estado de Excepción) pero xamais por SEIS meses !

Vaiamos ao tema central: votamos un Goberno para que suspenda indefinidamente os nosos dereitos constitucionais? Xamais, e se alguén o fixo debera facerse mirar. Os nostálxicos da ditadura quizais entendan que o Goberno debera suspender todos os dereitos mentres dure a pandemia. O peor do caso é que son os chamados "progresistas" quen o fixeron e agora nin sequera recoñecen o seu exceso e o seu erro ! Prefiren seguir acusando aos membros do TC de fascistas ao servizo de escuros intereses involucionistas, cando son eles quen se refuxian no Goberno para converter á cidadanía en menor de idade permanente. 

Reciban, pois, a sentenza que en xustiza lles corresponde: inhabilitación por 30 anos para calquera cargo público aos que tan alegremente saltáronse a Constitución (que son os dereitos de todos) para manterse indefinidamente á fronte dun Goberno que nin sequera foi capaz de resolver os problemas da pandemia, cuxa resolución foi rápidamente transferida ás Comunidades Autónomas limitándose a xestionar unhas vacinas que seguen chegando a contagotas dende a Unión Europea. Pretenderon suspender a Lei de Sanidade galega e por segunda vez o TC quitoulles a razón. 

¿Os cidadáns sabemos comportarnos ante unha grave situación de pandemia? Sen dúbida, sabemos comportarnos e demostrámolo a diarío malia as estupideces do Goberno: que segue tercamente tocando arrebato para reactivar a economía de bares e discotecas mentres o 40% da poboación segue sen vacinar e abre as portas a todos os turistas británicos que estenden alegremente a variante Delta entre os nosos cidadáns provocando unha quinta ola que machacará o verán estendendo as súas funes

tas consecuencias ata o Nadal.

Apelamos á Diputación Permanente do Congreso para facer respectar os dereitos e liberdades públicas e poñer fin a un Goberno Inconstitucional. Esta é a única vacina contra os que pretendan asaltar no futuro os poderes do Estado para establecer por Decreto os seus intereses particulares.  

Chámase Democracia.

Comparte esta noticia
¿Gústache esta noticia?
Colabora para que sexan moitas máis activando GCplus
Que é GC plus? Achegas    icona Paypal icona VISA
Comenta
Comentarios 1 comentario

1 Gamela

É moi probable que este tipo de "discurso" desapareza no fondo da Rede ou no mellor dos casos sexa catalogado como "discurso reaccionario" no marco da actual Dixitalización Autoritaria na que vivimos. Para ampliar este punto de vista sobre a "Nova Servidume" parece que non basta cun "capitalismo dixital" senon que agora padecemos unha "Gobernanza Dixital" ante a que nin siquera somos quen de protestar ou reclamar dereito algún! // Ver Vídeo https://youtu.be/VcPBYOk_9Yo?t=4872