O BNG recupera a Guillerme Vázquez para a Fundación Galiza Sempre

Haberá unha remoderación "máis grande" deste órgano que afectará ao seu Padroado. O ex voceiro nacional substituirá na Presidencia a Xesús Veiga.

Por Galicia Confidencial | Compostela | 16/01/2014 | Actualizada ás 08:00

Comparte esta noticia

O que foi voceiro nacional do BNG desde 2009 ata a primavera do pasado ano, Guillerme Vázquez, volve ao primeiro plano político. E o fará para presidir a Fundación Galiza Sempre que, ata agora, presidía o ex parlamentario e veterano político Xesús Veiga e na que estivo, ata que abandonou o BNG, Xosé Manuel Beiras.

Rolda de prensa de Guillerme Vázquez
Rolda de prensa de Guillerme Vázquez | Fonte: BNG

A decisión xa foi adoptada pola Executiva do BNG en novembro do pasado ano, pero será estes días cando se dea a coñecer públicamente. Segundo as fontes consultadas por GC, foi a UPG a que plantexou este cambio que foi aprobado por unanimidade. 

Sen embargo, o novo portavoz nacional, Xavier Vence, en declaracións a GC, suliñou que a mudanza na Presidencia da fundación é parte dunha remodelación "máis grande" que afectará a todo o seu Padroado e que se dará a coñecer "nos vindeiros días".

Da man da APU

Guillerme Vázquez volve, deste xeito, a un posto de relevancia pública logo do seu paso pola Portavocía Nacional á que chegou aupado pola plataforma Alternativa pola Unidade (APU), que liderou a UPG na asemblea do 2009. A mesma alternativa volveu a propoñelo como portavoz na traumática Asemblea Nacional de Amio de 2011, da que volveu saír reelexido por estreito marxe e que, finalmente, acabou na ruptura do BNG.

Segundo as fontes consultadas, un dos argumentos esgrimidos pola UPG para botar man do ex deputado no Parlamento galego e no Congreso foi en recoñecemento o seu labor como portavoz nacional. Antes ca el, tamén Xosé Manuel Beiras recalou no mesmo cargo.

Con todo, e a pesares de estar na mesma situación que Beiras ou Vázquez, Anxo Quintana non tivo ese recoñecemento logo de liderar o BNG desde o 2003 ata o 2009 e chegar ao máximo posto institucional que tivo nunca un dirixente do BNG, a Vicepresidencia da Xunta.

Sen representación de Abrente

Guillerme Vázquez substituirá a Xesús Veiga, ex lider de Inzar e unha das cabezas visibles do movemento Abrente --antes Máis Galiza--. Deste xeito, este grupo queda sen ningunha representación nos altos postos de representación do BNG, xa que tampouco están na Executiva, a pesares de que os seus membros sosteñen a maior parte das alcaldías do Bloque.

Con todo, non só mudará a Presidencia. Tamén haberá cambios no Padroado coa chegada de novas persoas, "algúns deles, rostros coñecidos da cultura galega que non militan no BNG", aseguran as fontes consultadas.

Comparte esta noticia
¿Gústache esta noticia?
Colabora para que sexan moitas máis activando GCplus
Que é GC plus? Achegas    icona Paypal icona VISA
Comenta
Comentarios 34 comentarios

10 Os de fora dan tabaco

Os españolistas que decidan quén se pon ao fronte das FAES (Falanges españolas) ou da IDEAS mandando a Pétain Beiras a consultas con Lacayo Lara tal Rajoy de xeonllos diante do masa Obama, e deixen de dar a vara aos que non queremos ser lacaios de ninguén e estamos comprometidos coa Patria Galega.

9 DaCorunha

Non entendo a esa xente que tanto leva sistemáticamente os debates internos a plaza püblica (antes no BNG e agora en ANOVA) e ten unha fixación anti-BNG (antes de sair e despois de sair do BNG). Collestes un camiño, levaino a cabo, aportai algo a sociedade, os debates internos non interesan a ninguen fora dos catro implicados.... e sobretodo deixai que outros (sexa quen sexa) faga o seu camiño e vos tamen a facer o voso. Se deixaste o BNG é o entorno BNG non deberíades polemizar sobre o BNG (no fondo e atirar **erda sobre o BNG) que nos ofrecedes a sociedade a parte de polémica?. Isto dito por un que non é do BNG.

8 Moitos Xans das Bolas

Inaceptable!!! como se pode poner ao fronte dunha formación que forma parte do Centre Maurits Coppieters para difusión do memoria histórica do nacionalismo galego e a Europa dos pobos e o dereito a autodeterminación dos pobos, sen consultar aos españolistas colonizadores e colonizados???? Antes roja que rota, Arriba...(ejem) Arriba Galicia!!!!

7 Licorcafé

Outro exemplo dos vagonetas da UPG de Pontevedra. O problema do tal Guillermo se reduce a unha soa cousa. Non soporta o de volver a dar aulas no seu instituto. Mais ten unha saída laboral segura. Por qué non o ficha o venezolano de Banesco. O antigo líder matute do BNG é todo un especialista en políticas bancarias. Ou non foi el un dos que dicía que a fusión das caixas galegas, era o gran futuro económico de Galiza? Ou tamén que se retire ao seu chalé.

1 contos

A presidencia da FGS e a pertenza ao padroado non son remunerados. A maledicencia pode que si. Guillerme Vázquez voltou ás aulas. Outros por máis que proclamaron que a súa verdadeira vocación era a académica, non.

2 Augardente

Pregúntalle aos seus alumnos se "iso" que fai o defunto líder é volver a dar aulas. Ti, que es profesor, e mantido, deberas sabelo.

6 Galicia independente

Os cartos públicos para fundacións, partidos, sindicatos e CEOE-CEPYME deberían eliminarse. Únicamente deberían cobrar os delegados patronais e sindicais que participan nas negociacións colectivas, para así garantir a cohesión social. Asimesmo, debería prohibirse ás empresas financiar ós partidos. É dicir, defendo que os partidos e fundacións mántéñanse a partir das cuotas dos seus membros máis doazóns limitadas. Deste xeito, eses cartos irían destinados a pagar débedas ou a ámbitos máis importantes, como a Sanidade, Dependencia ou subvencións a ONGs altruistas.