Detectados 2 positivos nun cribado de Poio, no que participaron menos do 28% dos convocados
Por Europa Press / Redacción | VIGO | 02/09/2021 | Actualizada ás 13:13
O cribado poboacional realizado os pasados luns e martes no municipio de Poio tirou un resultado de 2 casos positivos de Covid, aínda que a participación nas probas non chegou ao 28 % dos convocados.
Segundo informou a área sanitaria de Pontevedra e O Salnés, para este cribado foron convocadas 3.000 persoas de entre 15 e 39 anos de idade, que debían acudir ao pavillón deportivo da Seca. Finalmente, só se fixeron probas PCR a un total de 839 persoas, as que acudiron á cita, o que supón un 27,9 % dos citados.
Por outra banda, este xoves é a primeira das dúas xornadas de cribado poboacional na sala Nauta de Sanxenxo. Neste espazo están convocadas 3.500 persoas de 15 a 39 anos para a realización de probas PCR, en horario de mañá e de tarde.
