Ames acolle este venres a primeira das catro actuacións escénicas da Rede Galega de Teatros ata final de ano
Por E.P. | SANTIAGO DE COMPOSTELA | 16/09/2021 | Actualizada ás 11:52
A Casa da Cultura de Bertamiráns, no municipio de Ames, acolle este venres, 16 de setembro, a obra 'Semente. O home que plantaba árbores', de Eme2 emoción&arte, que conta a historia dun home que conseguiu reforestar unha das rexións máis áridas de Francia.
Esta será a primeira das catro actuacións que ofrece a Xunta no municipio ata final de ano no marco da Rede Galega de Teatros e Auditorios.
O 1 de outubro será a quenda da Quintana con "O Premio', tamén na Casa da Cultura de Bertamiráns. Xa o 15 de outubro, Teatro Avento Producións ofrece 'O libro da selva' (Casa da Cultura de Milladoiro). Finalmente, o 19 de novembro será a quenda de 'Bernarda', de Malasombra Producións, inspirada na obra de Federico García Lorca 'A Casa de Bernarda Alba'.
A programación global desta rede inclúe 209 funcións de teatro, música, circo e danza en 36 localidades de toda Galicia.
