Por E.P. | SANTIAGO DE COMPOSTELA | 22/09/2021 | Actualizada ás 12:55
O delegado do Goberno en Galicia, José Miñones, reivindicou como "necesaria" a regulación pola que a caza do lobo ibérico queda prohibida desde este mércores en España, tras a súa inclusión na listaxe de especies sobre a que existe esta prohibición.
A preguntas dos xornalistas, remarcou a "garantía xurídica" da medida tras o ditame do Consello de Estado, pero dixo que o obxectivo é "seguir escoitando ao sector para poder avanzar na regulación". "E que non sexa o sector o que teña que asumir os custos do ataque dos lobos", apostilou.
"Unha nova estratexia nacional buscando escoitar ao sector e pór en marcha medidas para que as comunidades autónomas, con ese financiamento, poidan asumir eses custos e non teña que ser o gandeiro", recalcou obre as actuacións a este respecto. Preguntado polas queixas do sector e as súas denuncias sobre desprotección ante os ataques do lobo, insistiu en que se trata dunha regulación con "toda a garantía xurídica".
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións).
Agradecemos a túa colaboración.