Galicia ten 7.340 empresas exportadoras, 1.670 máis que en 2020
As exportacións galegas superan nun 3% o rexistro de 2018, e nun 6,4% o de 2019.
Por E.P. | Santiago de Compostela | 22/10/2021 | Actualizada ás 14:22
Galicia alcanza as 7.340 empresas exportadoras nos oito primeiros meses do ano, o que supón 1.670 máis (+29,5%) que en 2020 e 1.620 máis (+28,3%) que en 2019, segundo datos do Goberno galego.
Esta semana xa se publicaron os datos das exportacións galegas en agosto, que subiron un 20,5% en comparación cun ano antes, ata 1.852,23 millóns de euros. No acumulado entre xaneiro e agosto esa repunta é do 22,9% (14.929,66 millóns).
Agora, a Consellería de Economía destaca que eses datos dos oitos primeiros meses supoñen "unha marca histórica" nese período.
Deste xeito, as exportacións galegas superan nun 3% o rexistro do 2018, e nun 6,4% o do 2019, os mellores anos ata agora.
Estas cifras permiten a Galicia manter en positivo a balanza comercial, que arroxa un superávit por sexto mes consecutivo, cun total acumulado de máis de 2.328 millóns entre xaneiro e agosto.
No tocante ás industrias, a automoción segue mostrando cifras positivas no acumulado do ano, cunha cifra marca que supera os 4.463 millóns. O téxtil crece un 13,6% e o sector agroalimentario, un 8,3%.
