Bispos de todo o Estado "peregrinarán" a Compostela polo Ano Santo

En total, haberá 63 bispos, que estarán acompañados polo nuncio do Papa no Estado.

Por E.P. | SANTIAGO DE COMPOSTELA | 18/11/2021 | Actualizada ás 13:25

Comparte esta noticia

Un total de 63 bispos españois, dous administradores diocesanos e os dous vicesecretarios da Conferencia Episcopal Española (CEE), acompañados do nuncio do Papa en España, Bernardito Auza, peregrinarán este venres 19 de novembro ata Santiago de Compostela, con motivo do Ano Xubilar Compostelán.

Os prelados clausurarán en Santiago de Compostela a 118 Asemblea Plenaria da Conferencia Episcopal Española que reuniu durante toda a semana aos bispos españois e na que abordaron, entre outros temas, distintas propostas do Servizo de coordinación e asesoramento para as Oficinas de protección de menores fronte aos abusos sexuais.

O Sínodo, a pastoral das persoas maiores ou a Semana do Matrimonio, que os bispos preparan para o próximo mes de febreiro, con motivo de San Valentín, foron outros dos asuntos que debateron. Este venres, o acto central será a Misa do Peregrino, que terá lugar ás 11:00 horas na catedral de Santiago de Compostela. Os bispos accederán ao templo pola Porta Santa para venerar, na cripta, o sepulcro do Apóstolo Santiago.

Presidirá a celebración eucarística o arcebispo de Santiago, Julián Barrio, e tras a lectura do Evanxeo, o presidente da Conferencia Episcopal Española, o cardeal Juan José Omella, fará a ofrenda ao Apóstolo en nome dos bispos españois, segundo informa a CEE nun comunicado recolleito por Europa Press.

Catedral de Santiago de Compostela. EUROPA PRESS - Arquivo
Catedral de Santiago de Compostela. EUROPA PRESS - Arquivo

Comparte esta noticia
¿Gústache esta noticia?
Colabora para que sexan moitas máis activando GCplus
Que é GC plus? Achegas    icona Paypal icona VISA
Comenta