Imagine Dragons tocará no Monte do Gozo de Santiago
O grupo estadounidense visitará a capital galega o próximo 11 de xullo.
Por E.P. | SANTIAGO DE COMPOSTELA | 24/11/2021 | Actualizada ás 13:28
O Monte do Gozo de Santiago de Compostela será unha das paradas da nova xira mundial da banda estadounidense Imagine Dragons, que visitará a capital galega o próximo 11 de xullo. A de Santiago é ata o momento una das dúas únicas citas confirmadas en España do grupo de Texas, que actuará días antes de chegar a Galicia en dous dos festivais máis potentes da península: o Mad Cool de Madrid (7 de xullo) e o NOS Alive de Lisboa (9 de xullo).
Así, o Monte de Gozo, escenario de grandes eventos na capital galega, acollerá un dos 20 concertos previstos ata a data no paso por Europa do 'Mercury Tour', a xira mundial de presentación do último traballo da banda texana, 'Mercury - Act 1'. A preventa de entradas para o evento quedará aberta a partir das 10,00 horas deste xoves nas páxinas web de Live Nation e Ticketmaster. O prezo de saída serán 57 euros máis gastos de distribución.
