Comeza o Iacobus, o Erasmus galego-luso, vetado aos alumnos
O seu obxectivo é potenciar a cooperación en materia de investigación. Pero quedará limitado só a docentes e profesores.
Por Galicia Confidencial | Compostela | 11/04/2014 | Actualizada ás 12:43
As universidades do Norte de Portugal e as de Galicia asinan este venres un protocolo que prevé non só o intercambio de investigadores internacionais, senón tamén a realización de cursos e investigacións en conxunto. É o Iacobus, o coñecido como Erasmus galego-luso.
Sen embargo, o proxecto nace orfo desde o seu nacemento xa que exclúe ao estudantes. O vicepresidente da Xunta, Alfonso Rueda, confirmou que do "Iacobus só beneficiará aos docentes, investigadores e persoal administrativo.
O seu obxectivo, é que o Noroeste peninsular deixe de ser o "punto máis feble de Europa nestas áreas" a través da cooperación con institucións doutros países, en especial da América Latina, segundo recolle un comunicado emitido polo Consello de Reitores das Universidades portuguesas e das galegas.
Con este proxecto, que tamén prevé a creación de cursos e investigacións conxuntas, os consellos de reitores de Portugal e Galicia, pretenden atraer, cada vez máis, aos investigadores de todos os países de Latinoamérica.
O programa comeza con cláusulas sobrantes do Programa Operacional de Cooperación Transfronteiriza España -- Portugal (POCTEP). Pero será un proxecto-piloto só para estudantes do ano letivo de 2014/2015.
Portugal xa conta financiamento privado e público para este programa educativo, que é moito máis feble no caso de Galicia. Aquí, hai dificultades para atopar unha entidade financieira que subvencione as bolsas.
