Investigado un veciño de Camariñas por provocar un incendio co lanzamento de pirotecnia en Ano Novo
Os feitos tiveron lugar na parroquia da Ponte.
Por Europa Press / Redacción | SANTIAGO DE COMPOSTELA | 11/01/2022 | Actualizada ás 17:43
A Policía Autonómica investiga a un veciño de Camariñas por provocar un incendio de 8.000 metros cadrados co lanzamento de pirotecnia na parroquia de Ponte do Porto en Ano Novo.
Así, os axentes esclareceron, en colaboración coa Unidade de Investigación de Incendios Forestais (UIFO), este lume no que toda a superficie queimada foi de monte arboledo.
Froito da investigación, os axentes da Policía Autonómica tomaron declaración a este home que lanzou artefactos pirotécnicos desde a súa vivenda, o que provocou o lume, o cal se estendeu polo monte debido aos refachos de vento.
Segundo informa a Xunta este martes nun comunicado, as dilixencias por estes feitos remitíronse ao xulgado de garda de Corcubión.
