Por Galicia Confidencial | SANTIAGO DE COMPOSTELA | 29/01/2022 | Actualizada ás 10:00
A pandemia segue adiante e con ela a obrigatoriedade de portar máscaras na maior parte das situacións cotiás. Con todo, España, e a diferenza doutros países, segue sen establecer a obrigatoriedade única de portar as FPP2, mantendo como legales as hixiénicas, se ben as de tela foron prohibidas para a venda hai xa case un ano. Neste contexto, un estudo internacional do que se fai eco o CSIC fixa a importancia de levar as FPP2 para prever contaxios como os que se están a producir día a día.
“Hai estudos, como o publicado recentemente no PNAS, que afirman que se todos levásemos máscaras FFP2 ben axustadas ao nariz a probabilidade de contaxio sería próxima a cero”, explica José Mª Lagarón, investigador do Consello Superior de Investigacións Científicas (CSIC) e especialista en materiais de filtración e máscaras. De aí que o CSIC faga fincapé en escoller máscaras que se axusten ben ao rostro de cada usuario para que non queden ocos por onde entren os aerosois: "é clave para previr contaxios por coronavirus, especialmente con cepas tan contaxiosas como ómicron", destacan
No tocante ao estudo do Max Planck alemán, estes afirman que se se utiliza unha máscara FFP2 axustada ao nariz e coa suxeición simple máis estendida ás orellas, o risco de infección por coronavirus é case cero, mesmo despois de estar en contacto durante 20 minutos cunha persoa infectada. “O que demostra a importancia de elixir as máscaras máis adecuadas, como as FFP2, e a súa correcta colocación”, afirma Lagarón.
Por iso fan fincapé en escoller o tamaño máis idóneo de máscara FFP2 para a altura nariz-queixo do usuario, aplanar o clip nasal para eliminar a forma de V, adaptar este sobre o dedo que se pareza máis ao arco do nariz, e presionar unha vez colocada para selar ben. A norma indica que, para maximizar o axuste da máscara, a suxección debe ser regulable e, por tanto, segundo norma, as máscaras FFP2 deben levar as suxeicións regulables máis flexibles posibles. "Se a máscara leva suxección ás orellas, esta débese complementar cun extensor regulable á caluga, e se leva bandas a caluga e pescozo, estas tamén deberían levar un mecanismo para regular o seu axuste", apuntan.
Con todo, dende o propio CSIC destacan que neste momento "existe un amplo debate neste momento sobre o axuste máis adecuado das máscaras FFP2". Neste sentido, José Mª Lagarón aclara que “o axuste óptimo conséguese con varias dimensións de máscaras, polo menos S- M e M- L, e cun extensor regulable á caluga, desta forma, dimensións de alto e ancho de cabeza distintas permiten ser axustadas. Así, máscaras con diferentes dimensións aseguran o axuste a longos diferentes de fronte, e a suxeición regulable permite axustar diferentes anchos de cabeza. Afortunadamente, o estudo recentemente publicado suxire que a fenomenoloxía do contaxio non ocorrería (é mínima) se todos levásemos unha máscara FFP2 cun bo axuste ao nariz, aínda cando a suxeición sexa ás orellas”.
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións).
Agradecemos a túa colaboración.