O filme 'Cuñados', favorita aos Mestre Mateo con 16 candidaturas

As Tanxungueiras e Esther Estévez tamén están nominadas.

Por E.P. | Santiago de Compostela | 10/02/2022 | Actualizada ás 14:30

Comparte esta noticia

A película 'Cuñados' lidera as nominacións para a XX edición dos Premios Mestre Mateo con 16 candidaturas, seguida polas longametraxes 'Jacinto' e 'Melancolía', que se alzan con 11. Pola súa banda, a serie 'Hierro' obtén oito. A Academia Galega do Audiovisual anunciou este xoves os nomes dos proxectos e profesionais finalistas nesta edición, nun acto en Lugo coa presenza de Alba Mancebo, Esther Estévez, Beatriz Serén, Luís Igrexa e María Costas, quen desvelaron as candidaturas finalistas.

'Cuñados', 'Jacinto', 'Malencolía' e 'Tres' son finalistas a Mellor longametraxe, mentres que 'A poeta analfabeta', 'A virxe roxa', 'O gran camiño' e 'Welcome to ma maison' o son a Mellor documental. As finalistas a Mellor serie son 'Hierro', 'A lei de Santos', 'Auga Seca' e 'Método Criminal' e a Mellor serie web 'Cacola', 'Delicias Amargas', 'Mataría Microserie' e 'Xela Arias. A palabra esgazada', da Real Academia Galega.

MELLOR INTERPRETACIÓN

Ademais, 'Cuñados' acapara seis nomeamentos finalistas nas categorías de interpretación, co tres protagonistas do filme, Federico Pérez, Miguel de Lira e Xosé A. Touriñán competindo polo trofeo a Mellor interpretación masculina protagonista, xunto con Pedro Brandariz, por 'Jacinto'. 'Malencolía' logra cinco candidaturas finalistas para os seus intérpretes, recoñecendo o traballo das actrices de repartición Iolanda Muíños e Ledicia Soa e a protagonista Melania Cruz, así como o de Diego Anido e Ricardo de Barreiro, na categoría de Mellor interpretación masculina de repartición.

Dos 32 programas de TV presentados os votos das académicas e académicos elixiron 'Cinephilia', 'Clac', 'Cos pés na terra' e 'Dígocho Eu' e o traballo de Esther Estévez, Paco Lodeiro, Rodrigo Vázquez e Simone Saibene na categoría de mellor comunicador/a. O videoclip da canción 'Figa' de Tanxugueiras é finalista xunto con 'O volcán' de Pablo Lesuit, 'Fukushima' de Triángulo de amor bizarro e 'Voucho contar así' de Grupo Antilia.

'A comuñón da miña prima Andrea', 'Augas Abisais', 'Aura e Fracturas' son as finalistas na categoría de mellor curtametraxe; e 'E Lalín sóache?', 'As estrelas do camiño. Miradas de resistencia', 'Redes vivas' e 'Xacobeo, camiña a Galicia' na de mellor anuncio. A Gala de entrega de premios na que se dará a coñecer o palmarés dos XX Mestre Mateo terá lugar o sábado 19 de marzo no recinto de Expocoruña.

Presentación dos finalistas aos XX Premios Mestre Mateo. ACADEMIA GALEGA DO AUDIOVISUAL
Presentación dos finalistas aos XX Premios Mestre Mateo. ACADEMIA GALEGA DO AUDIOVISUAL | Fonte: Europa Press

Comparte esta noticia
¿Gústache esta noticia?
Colabora para que sexan moitas máis activando GCplus
Que é GC plus? Achegas    icona Paypal icona VISA
Comenta