A Xustiza procesou 10 persoas físicas e xurídicas por corrupción en Galicia en 2021
No conxunto do Estado foron procesadas 344, 83 máis que en 2020.
Por E.P. | Santiago de Compostela | 15/03/2022 | Actualizada ás 15:54
Os xuíces e xuízas ditaron auto de apertura de xuízo oral ou de procesamento contra 10 persoas físicas ou xurídicas en Galicia por delitos de corrupción en 2021, exercicio no que no conxunto do Estado procesáronse 273 persoas físicas e 71 xurídicas, 83 máis que en 2020.
Segundo os datos facilitados este martes polo Consello Xeral do Poder Xudicial (CGPJ), no conxunto de España, durante 2021 os xuíces concluíron 53 procedementos por corrupción fronte aos 56 rexistrados en 2020. Un destes procedementos concluíuse en Galicia.
En total, os órganos xudiciais ditaron 65 sentenzas en todo o Estado, dúas menos que no ano anterior onde se asinaron 67 resolucións.
Estes datos sobre procedementos por corrupción figuran no repositorio do CGPJ tras a incorporación da información correspondente ao ano 2021 e ao seu último trimestre.
