Por E.P. | SANTIAGO DE COMPOSTELA | 24/03/2022 | Actualizada ás 20:27
O Sindicato Labrego Galego (SLG) solicitou á Xunta que active un gabinete de crise ante o impacto do paro de transportes no agro galego, de forma que se garanta a recollida de leite, o alimento para animais e que poidan chegar o gando a matadoiros.
Así, rexistrou senllas solicitudes oficiais --dirixidas ao presidente da Xunta, Alberto Núñez Feijóo-- nos rexistros oficiais de Compostela, Ordes, A Estrada, Betanzos, Lugo, Chantada e Xinzo.
No texto remitido á Xunta, a secretaria xeral do SLG, Isabel Vilalba, insta a Feijóo a "ser consciente das súas responsabilidades", dado que a folga do transporte está a afectar máis en Galicia que noutras comunidades. Por iso, demándase que "convoque un gabinete de crise do sector primario e co sector do transporte no que estean presentes todas as consellerías con competencias na resolución desta crise".
Igualmente, o Sindicato Labrego puxo en marcha unha campaña en redes sociais, coa participación de gandeiros e labregos, chamada #GabineteDeCriseXA!
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións).
Agradecemos a túa colaboración.