Máis de 1.400 espectáculos en concellos organizados pola Rede Cultural da Deputación da Coruña
Os 1.408 espectáculos que programan os concellos neste 2022 e primeiro trimestre do 2023 correspóndense cunha achega total da Deputación da Coruña de 1.509.836,71 euros.
Por E.P. | A CORUÑA | 13/04/2022 | Actualizada ás 17:51
A Rede Cultural da Deputación da Coruña programa un total de 1.408 espectáculos en todos os concellos da provincia, segundo informa o organismo provincial.
Trátase dunha programación á que se sumará a programación relativa ás entidades sen ánimo de lucro, aquelas que teñen entre as súas finalidades a promoción da cultura e que poden solicitar espectáculos ao amparo do programa 'Alicerce'.
Os 1.408 espectáculos que programan os concellos neste 2022 e primeiro trimestre do 2023 correspóndense cunha achega total da Deputación da Coruña de 1.509.836,71 euros.
Propostas escénicas, audiovisuais, música, danza ou maxia conforman a oferta que a Rede Cultural da Deputación da Coruña programará nos municipios.
