Por Europa Press / Redacción | SANTIAGO DE COMPOSTELA | 12/05/2022 | Actualizada ás 11:20
A praia de Silgar, en Sanxenxo, acollerá este domingo, día 15, ás 13,00 horas, unha homenaxe ao oftalmólogo coruñés Juan Manuel Tábara Rodríguez, cando se cumpre un mes do seu falecemento tras ser alcanzado por unha embarcación.
Así o informou a Europa Press a familia, que explica que se tratará dunha homenaxe "pacífica" ao mes do "atropelo mortal" do seu achegado. Mentres, para solicitar datos sobre o sucedido e pedir ás administracións que adopten medidas que garantan unhas praias e unha zona de baño seguras, manteñen habilitado o mail porunsanxenxoseguro@gmail.com e a recollida de apoios a través de change.org/porunhaspraiasgalegasseguras.
O oftalmólogo faleceu tras ser golpeado, segundo os datos achegados, por unha embarcación mentres nadaba no mar. Tras o sucedido, a familia pediu a colaboración cidadá para achegar información sobre o sucedido, pero tamén doutros feitos similares ocorridos con anterioridade para esixir que se adopten medidas.
E é que para a familia a morte de Juan Manuel Tábara podíase "evitar". "Non foi un bañista arroiado, é unha situación que se repite", apuntou a súa irmá María sobre a presenza de "lanchas" a alta velocidade na zona. Tras os feitos detívose a un veciño de Sanxenxo, de 36 anos, por presunto homicidio imprudente.
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións).
Agradecemos a túa colaboración.