Morre un home de 66 anos en Teo cando realizaba arranxos na súa casa
Unha das hipóteses é que sufrise unha indisposición mentres pintaba a súa vivenda.
Por Europa Press / Redacción | SANTIAGO DE COMPOSTELA | 18/05/2022 | Actualizada ás 20:55
Un home de 66 anos perdeu a vida este luns cando realizaba arranxos na súa casa, no lugar de Solláns, parroquia de Calo, no municipio de Teo. O accidente, que ocorreu cando o home estaba a pintar a súa casa, tivo lugar pasado un cuarto de hora das catro da tarde.
O Centro Integral de Atención ás Emerxencias avisou ao persoal de Urxencias Sanitarias de Galicia-061, que non puideron facer nada por salvar a vida do home. Tamén foron alertados os axentes da Garda Civil, o GES da Estrada, Policía Local e o servizo municipal de Protección Civil.
Fontes dos equipos de emerxencias confirmaron a Europa Press que unha das hipóteses é que o home sufrise unha indisposición cando estaba a traballar encima da estada.
