Unha festa para aproximar á esquerda e o nacionalismo
Ames Novo impulsa a Romaría, un evento festivo, cultural e político no que se presentou a proposta "Construíndo unha candidatura cidadá aberta". Nos actos políticos estiveron representantes de AGE, Anova, EU, Podemos, Equo, Espazo Ecosocialista, CxG e do propio Ames Novo.
Por Galicia Confidencial | Ames | 20/07/2014 | Actualizada ás 12:00
"Construíndo unha candidatura cidadá aberta". Esa foi a proposta que realizou Ames Novo durante a celebración da Romaría, un evento festivo, cultural e político que se celebrou este sábado neste concello.
Logo o xantar de confraternidade hou unha serie de actividades de lecer para crianzas e adultos, e tamén un coloquio con destacados representantes das diversas forzas da esquerda política. Á tardiña os asistentes desfrutaron co concerto conxunto Uxía e Narf “As Baladas da Galicia imaxinaria”.
"O propósito da Romaría é ser un espazo de encontro da veciñanza de Ames e un lugar de encontro de todos os movementos que apostan por un tempo novo na política municipal", suliñaron os seus impulsores.
No acto político da mañá interviron Pilar Candocia, Portavoz de Ames Novo e representantes de diversas organizacións políticas; Lidia Senra, eurodeputada candidata de AGE en Europa; Antón Sánchez, deputado galego e responsable de acción institucional de Anova; Xoan Bascuas, secretario xeral de Compromiso por Galicia; Angel Montero Campos, covoceiro de Equo Galicia; Xoán Hermida coordinador nacional do Espazo Ecosocialista Galego; Xabier Ron deputado galego, secretario de movementos sociais e membro da executiva de Esquerda Unida.
Xa pola tarde celebrouse un coloquio sobre "Concellos: participación cidadá, confluencia e transformación política" no que se falou sobre o novo escenario das eleccións municipais na confluencia das forzas de esquerdas e o protagonismo cidadán nas mesmas. Neste evento estiveron presente Martiño Noriega, coordinador nacional de Anova; Xoan Bascuas, secretario xeral de Compromiso por Galicia; Angel Montero Campos, covoceiro de Equo-Galicia; Bernardo Lorenzo Cuetara, vicecoordinador de acción electoral e política municipal do Espazo Ecosocialista Galego; Xabier Ron deputado galego, secretario de movementos sociais e membro da executiva de Esquerda Unida e Daniel Fernández Blanco do equipo de traballo elixido para a organización da Asemblea de Podemos en outono de 2014.
