Unha protectora retira un can abandonado polos inquilinos dunha vivenda en Lugo tras achalo a propietaria
Por Europa Press / Redacción | LUGO | 02/06/2022 | Actualizada ás 10:32
O servizo de laceiro dunha protectora de Lugo procedeu a retirar un can abandonado nunha vivenda polos inquilinos tras avisar a propietaria ao acabar o contrato de arrendamento.
Segundo informou a Policía Local, sobre as 11,50 horas do 1 de xuño unha patrulla da Unidade Territorial de Policía de Barrio desprazouse a un edificio da rúa Paxariños porque a propietaria dunha vivenda manifestou que deixaran abandonado un can os inquilinos ao concluír o contrato.
En concreto, detallaron as mesmas fontes policiais, os inquilinos da vivenda deixaran no interior un can de raza American Bully.
Os axentes, unha vez comprobada a documentación do aluguer, requiriron o servizo de laceiro dunha protectora de animais que se fixo cargo e levouno ás súas instalacións.
