O alcalde de Maceda (PP) defende a loita contra o incendio que consume a serra de San Mamede

Di que avanza "sen risco" para núcleos habitados.

Por Europa Press / Redacción | OURENSE | 03/08/2022 | Actualizada ás 12:18

Comparte esta noticia

O alcalde de Maceda (Ourense), Rubén Quintas (PP), constatou este mércores que hai "avances" na loita contra o incendio forestal que permanece activo desde as 20,52 horas na parroquia de Castro de Escuardo.

En declaracións a Europa Press, explicou que os medios aéreos están a concentrar a súa actuación no primeiro foco, activado no alto da Serra de San Mamede e augurou que, se non hai "complicacións", podería quedar baixo control nas próximas horas.

Nos outros dous focos, os medios locais e autonómicos esforzáronse xa durante a madrugada na articulación dun cordón de seguridade e o rexedor trasladou a Europa Press que en ningún momento houbo "risco" para núcleos habitados.

Na liña do que xa apuntara a Consellería do Medio Rural, o rexedor esgrimiu que se trata "dun incendio intencionado de libro" posto que se iniciou en tres focos diferentes simultáneos. Así mesmo, ratificou que na parroquia na que se rexistrou, considerada de risco, "xa houbo outros incendios". En todo caso, remarcou que "as cousas van ben" e, tras extinguir as chamas, tocará incidir nos labores de investigación do lume.

Condutor de motobomba carga o camión de auga desde o río Balboa, en Pradoalbar, a 22 de xullo de 2022, no incendio forestal nas inmediacións de Vilariño de Conso / Rosa Veiga - Europa Press. / Europa Press
Condutor de motobomba carga o camión de auga desde o río Balboa, en Pradoalbar, a 22 de xullo de 2022, no incendio forestal nas inmediacións de Vilariño de Conso / Rosa Veiga - Europa Press. / Europa Press

Comparte esta noticia
¿Gústache esta noticia?
Colabora para que sexan moitas máis activando GCplus
Que é GC plus? Achegas    icona Paypal icona VISA
Comenta