Por E.P. | SANTIAGO DE COMPOSTELA | 04/08/2022 | Actualizada ás 17:53
O Goberno municipal de Santiago acordou solicitar as axudas ao transporte urbano e interurbano coas que se abarata nun 30% o prezo dos abonos e títulos multiviaxe. Lembran que o período de aplicación sería entre o 1 de setembro e o 31 de decembro de 2022. O acordo afectaría os bonos ordinario --que pasará de 0,60 euros por viaxe a 0,42 euros--; ao escolar --de 0,40 euros por viaxe a 0,28--; e ao mensual --de 26 euros ao mes a 18,20--.
Explican que os beneficiarios non poderán dispor de máis de 100 viaxes no cartón de bonificación, pero as medidas son compatibles e acumulables con calquera outra subvención ou axuda que poida concederse a persoas usuarias do transporte coa finalidade de reducir o prezo final dos billetes multiviaxe expedidos polos prestadorse do servizo.
Así o establece o Real Decreto-lei aprobado polo Goberno central, polo que se prorrogan algunhas medidas para responder as consecuencias económicas e sociais da guerra en Ucraína "e facer fronte a situacións de vulnerabilidade social e económica".
A norma tamén sinala que a xestión destas axudas realizarase a través do Ministerio de Transportes, Mobilidade e Axenda Urbana, por parte das comunidades autónomas e entidades locais, así como outros entes supramunicipais que presten servizo de transporte colectivo urbano ou interurbano.
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións).
Agradecemos a túa colaboración.