Valdeorras e a montaña de Ourense estarán en alerta por altas temperaturas ata o mércores
O comité da Xunta mantén unha alerta media por calor na zona.
Por Europa Press / Redacción | SANTIAGO DE COMPOSTELA | 06/08/2022 | Actualizada ás 12:07
O Comité de Plan de Calor da Xunta manterá ata o mércores activado o nivel 2, de risco medio, da alerta por calor na comarca de Valdeorras e na zona da montaña de Ourense.
En concreto, estarán nesta situación os municipios do Barco, Larouco, Petín, A Rúa, Rubiá, Vilamartín, O Bolo, Carballeda de Valdeorras, Castro Caldelas, Chandrexa de Queixa, Esgos, A Gudiña, Maceda, Manzaneda, A Mezquita, Montederramo, Parada de Sil, A Pobra de Trives, San Xoán de Río, Riós, A Teixeira, A Veiga, Viana do Bolo, Vilariño de Conso, Xunqueira de Espadañedo.
Ademais, estarán en nivel 1, o máis baixo, as Rías Baixas e a zona do Miño de Ourense. Así, na provincia de Pontevedra, esta alerta afecta a Barro, Baiona, Bueu, Caldas de Reis, Cambados, Cangas, Catoira, Gondomar, O Grove, A Illa de Arousa, Marín, Meaño, Meis, Moaña, Mos, Nigrán, Oia, Pazos de Borbén, Pontevedra, Portas, Poio, Ponte Caldelas, Pontecesures, Redondela, Ribadumia, Sanxenxo, Soutomaior, Valga, Vigo, Vilaboa, Vilagarcía de Arousa, Vilanova de Arousa.
E en Ourense, o nivel 1 será para A Arnoia, Barbadás, Beade, Carballeda de Avia, Cartelle, Castrelo de Miño, Cenlle, Cortegada, Leiro, Melón, Nogueira de Ramuín, Ourense, Padrenda, O Pereiro de Aguiar, Pontedeva, Punxín, Ribadavia, San Amaro, San Cibrao das Viñas, Taboadela e Toén.
VALORES "MOI ELEVADOS" NO SUR
A Xunta advirte de que, a partir deste sábado, fortalecerase a presenza de aire cálido sobre Galicia, o que traerá un ascenso xeneralizado das temperaturas con valores "moi elevados" en áreas do sur do territorio. Esta situación podería continuar "sen grandes cambios" ata o mércores.
De feito, a partir deste sábado prevese a chegada de néboas costeiras nas Rías Baixas que poden provocar un descenso das temperaturas nas comarcas máis occidentais. En zonas do interior, a partir do domingo prevese un aumento da inestabilidade atmosférica favorecerá a formación de nubes de evolución e dalgunhas treboadas que de modo local aliviarán as altas temperaturas.
Son datos abordados polo Comité de Plan de Calor, formado polas consellerías de Sanidade; Presidencia, Xustiza e Deportes; Política Social e Xuventude; e de Medio Ambiente, Territorio e Vivenda.
O plan establece as medidas necesarias para reducir os efectos na saúde asociados ás altas temperaturas, así como os sistemas de previsión, alerta e comunicación empregados, entre outras cuestións.
