Por E.P. | SANTIAGO DE COMPOSTELA | 24/08/2022 | Actualizada ás 18:40
O porto exterior da Coruña incorporou esta semana unha nova mercadoría á súa nómina de tráficos. Trátase de roca fosfórica, un mineral que se utiliza para a fabricación de fertilizantes e que chegou por primeira vez ás instalacións de Punta Langosteira, informa a Autoridade Portuaria.
Este novo tráfico está operado por Galigrain. Segundo explican os responsables da empresa, do Grupo Nogar, enmárcase na nova liña de negocio que sitúa ao porto exterior como plataforma loxística de intercambio de mercadorías entre distintos continentes.
Nesta ocasión, a roca fosfórica procede de Oriente medio e ten como destino o norte de Europa. A carga, de 16.000 toneladas, repartiuse en dous buques de 8.000 toneladas cada un. En próximos envíos, o mineral será acondicionado nas instalacións do porto exterior.
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións).
Agradecemos a túa colaboración.