Por Galicia Confidencial | Pontevedra | 26/10/2022 | Actualizada ás 14:24
A presidenta da Deputación de Pontevedra, Carmela Silva, e o vicepresidente César Mosquera, presentaron este mércores en rolda de prensa o 'Plan Concellos' para o ano 2023, que será aprobado no pleno deste venres e que contará cun orzamento de 44 millóns de euros.
Concretamente, segundo detallou a presidenta provincial, neste Plan Concellos contará con 44 millóns de euros no 2023 repartidos en tres liñas definidas "con criterios obxectivos". Así, na Liña 1, destinada a investimentos, irán 30,50 millóns de euros; na Liña 2, para amortización e pago de débeda e gastos, son 4 millóns de euros; e a Liña 3, de emprego, está dotada con 9,5 millóns.
Nesta ocasión hai algunhas novidades como a posibilidade de traspaso de fondos da Liña 2 e 3 á Liña 1. Ademais, a Deputación de Pontevedra desenvolverá o seu propio Programa de Política Activa de Emprego.
Segundo explicou Carmela Silva, con este programa a deputación garante aos concellos de menos de 50.000 habitantes a posibilidade de financiar a contratación de persoal municipal. Con esta iniciativa, o goberno provincial adáptase á nova reforma laboral, que acabou cos contratos por obra ou servizo determinado.
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións).
Agradecemos a túa colaboración.