Unha cita cos 'sabores do outono' en Allariz

Os días 12 e 13 de novembro o concello acolle a XXVI Feira de Outono. No encontro gastronómico cos produtos estrela desta época do ano haberá 34 produtores galegos, do Bierzo e de Portugal.

Por Galicia Confidencial | Allariz | 08/11/2022 | Actualizada ás 09:00

Comparte esta noticia

O evento gastronómico que terá lugar a vindeira fin de semana en Allariz  ten por obxectivo promover, potenciar e valorizar os produtos desta estación. Así, no pavillón do Instituto de Allariz de 10.30 a 20.00 h. trinta e catro produtores galegos do Bierzo e Portugueses venderán mel, cogomelos, noces, castañas e os seus derivados, entre outros.

Presentación da Feira de Outono 2022. Foto: Prensa Concello de Allariz.
Presentación da Feira de Outono 2022. Foto: Prensa Concello de Allariz.

A feira complementase cunha programación na que se contemplan actividades para mostrar e exaltar o produto do Outono: Demostracións de cociña ao vivo, obradoiros para os máis pequenos, saída ao monte para recoñecemento de cogomelos, catas de produto e charlas  ademais de sorteos para todos e todas os/as que se animen a mercar. 

ESPAZO GASTRONÓMICO E PRATOS DE OUTONO NOS RESTAURANTES 

Despois da pandemia a feira recupera tamén o seu espazo gastronómico para que visitantes podan degustar pratos típicos destas datas. Ademais, os restaurantes da vila ofrecerán menús e tapas elaboradas con produtos de outono e sortearán unha comida para dúas persoas entre aqueles que desgusten o menú nalgún dos establecementos participantes.

Respecto a este tipo de eventos gastronómicos, a organización cre que "é moi importante coñecer e valorar o produto que temos ao noso carón, temos unha despensa de excelente calidade e saudable, que xera actividade económica entre os nosos veciños e chega directamente ao consumidor".

Cogomelos
Cogomelos | Fonte: EP

Comparte esta noticia
¿Gústache esta noticia?
Colabora para que sexan moitas máis activando GCplus
Que é GC plus? Achegas    icona Paypal icona VISA
Comenta