O número de usuarios de transporte urbano en Galicia crece un 17,3% en setembro
Por E.P. | SANTIAGO DE COMPOSTELA | 11/11/2022 | Actualizada ás 10:43
O número de viaxeiros transportados autobús urbano en Galicia aumentou un 17,3% en setembro, respecto ao mesmo mes de 2021, ata superar os 4,81 millóns de usuarios, segundo datos publicados este venres polo Instituto Nacional de Estatística (INE), recollidos por Europa Press.
Así, esta cifra supón un incremento inferior ao da media nacional, xa que no total de España o número de viaxeiros en autobuses urbanos creceu un 18,9%, ata os 137 millóns de persoas. No que vai de ano, o número de usuario deste transporte público en Galicia incrementouse un 21%, mentres que a nivel nacional este aumento foi do 26,4%.
DATOS ESTATAIS
No conxunto de España, máis de 394,2 millóns de pasaxeiros utilizaron o transporte público o pasado mes de setembro, un 23,1% máis que no mesmo mes do ano 2021, sempre segundo datos provisionais do INE, que mostran que de media no que vai de ano o crecemento sitúase no 32,6%.
