Galicia rexistra case un 5% máis de mortes nos primeiros seis meses de 2022
As mortes relacionadas co sistema respiratorio que se incrementaron un 24,4%.
Por Europa Press / Redacción | SANTIAGO DE COMPOSTELA | 19/12/2022 | Actualizada ás 13:24
Galicia rexistrou a maior caída de defuncións por enfermidades do sistema circulatorio no primeiros seis meses de 2022, segundo a información que publica este luns o Instituto Nacional de Estatística (INE). En global, as mortes na comunidade subiron un 4,7% ata xullo.
As defuncións por enfermidades do sistema circulatorio diminuíron, en concreto, un 4,5% en Galicia na primeira metade do ano. Mentres, as mortes provocadas por tumores aumentaron un 1,4% en Galicia, as derivadas de enfermidades infecciosas, un 1,7%; como as que teñen que ver co sistema nervioso, e as relacionadas co sistema respiratorio, un 24,4%.
Os datos de 2021 publicados este luns polo INE son definitivos, os do primeiro semestre 2022 son provisionais e difundiranse como definitivos no ano 2023.
Cantabria, Canarias e Comunidade Foral de Navarra foron as comunidades con maiores incrementos de mortalidade nos primeiros seis meses de 2022, con aumentos do 15,8%, 14,2% e 10,1%, respectivamente, respecto ao mesmo período de 2021. Pola contra, os maiores descensos déronse nas cidades autónomas de Ceuta e Melilla (17,6% e 14,1% de defuncións menos) e en Comunitat Valenciana (-4,5%).
TAXAS
Con datos de 2021, as maiores taxas de defuncións por tumores déronse no Principado de Asturias (351,4), Galicia (314,6) e Castela e León (312,7). A de Galicia situouse en 57,3.
