Dous feridos nun accidente múltiple entre seis vehículos na AP-9 á altura de Fene
Un particular que estaba no punto alertou ao 112 Galicia deste accidente múltiple por alcance.
Por Europa Press / Redacción | SANTIAGO DE COMPOSTELA | 18/01/2023 | Actualizada ás 15:23
Unha colisión por alcance na que se viron implicados seis vehículos na AP-9, ao seu paso por Fene, deixou a dúas persoas feridas.
Segundo informa o 112, o sinistro produciuse pouco antes das 9,00 horas e os feridos foron trasladados en ambulancia ao centro hospitalario de referencia.
Un particular que estaba no punto alertou ao 112 Galicia deste accidente múltiple por alcance, e explicou que o seis vehículos implicados permanecían apartados na beiravía.
Desde o 112 informouse o persoal de Urxencias Sanitarias de Galicia-061, á Garda Civil de Tráfico, aos bombeiros de Ferrol e ao GES de Mugardos.
Tamén se deu aviso á Policía Local de Fene, ás Agrupacións de Voluntarios de Protección Civil de Cabanas e Fene e aos servizos de mantemento das estradas. Finalmente, dúas persoas foron evacuadas polos servizos sanitarios.
