Por E.P. | Santiago de Compostela | 16/02/2023 | Actualizada ás 18:41
O primeiro Supermercado Gadis do 2023 vén de estrearse na comunidade galega, en Bertamiráns-Ames (A Coruña), co cal se xeraron 45 postos de traballos directos. Dispón de máis de 2.000 metros cadrados de superficie total con amplos e funcionais espazos, aos que se engade "un plus de comodidade", as 112 prazas de aparcadoiro gratuíto.
O novo Gadis busca proporcionar unha experiencia de compra "totalmente satisfactoria", pondo ao alcance dos clientes a maior variedade de produtos con máis de 10.000 referencias de marcas líderes e da marca propia Ifa, co fin de que teñan máis opcións para elixir, tamén entre unha ampla gama de artigos veganos, ecolóxicos, sen glute e a granel.
É a aposta da cadea por priorizar o aprovisionamento de proximidade e a produción sustentable, que xera máis impacto positivo na contorna impulsando o tecido produtivo. Nos puntos de venda incentívase o consumo de produtos de km 0, frescos e de tempada, que contribúen a unha dieta máis equilibrada.
CRECEMENTO
Gadis continúa o seu ritmo de expansión sostido e, con esta apertura, alcanza 226 puntos de venda propios, situados nas comunidades de Galicia e Castela e León. O novo supermercado reforza a súa presenza na área metropolitana de Santiago, onde conta con 16 establecementos, un deles situado tamén en Bertamiráns.
Neste centro, apostouse pola produción de enerxía renovable para autoconsumo instalando paneis fotovoltaicos, no marco da estratexia de sustentabilidade e eficiencia enerxética da compañía.
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións).
Agradecemos a túa colaboración.