Investigan a un veciño de Boiro polo escape dunha queima que provocou un pequeno incendio
O lume afectou a 600 metros cadrados de superficie de arboredo
Por Europa Press / Redacción | A Coruña | 27/02/2023 | Actualizada ás 16:47
Un veciño do municipio de Boiro está investigado por unha queima que provocou un pequeno incendio o pasado 18 de febreiro, que afectou a 0,06 hectáreas --600 metros cadrados-- de superficie arboredo.
A Policía Autonómica en Santiago, en colaboración coa Unidade de Investigación de Incendios Forestais (UIFO) e axentes ambientais do distrito forestal do Barbanza, esclareceron este incendio.
Segundo informa a Xunta nun comunicado, a investigación indica que se trata dunha queima que se realizou sen as debidas medidas de seguridade por parte da persoa que realizara a comunicación para poder realizala. A Policía Autonómica remitiu as dilixencias por estes feitos ao xulgado de instrución en funcións de garda en Ribeira. É a terceira persoa investigada por incendios no que vai de ano.
