Galicia repite como a comunidade con máis sendeiros azuis

Sanxenxo, con sete itinerarios recoñecidos, é o municipio español con máis galardóns

Por Europa Press / Redacción | Galicia | 11/03/2023 | Actualizada ás 17:45

Comparte esta noticia

Galicia volve ser a comunidade autónoma de España con máis sendeiros azuis cun total de 35 itinerarios recoñecidos, que son seis máis que o ano pasado.

Así o destacou a conselleira de Medio Ambiente, Territorio e Vivenda, Ángeles Vázquez, este sábado durante o izado do distintivo concedido ao carreiro de Saladoiro de Caión, no municipio da Laracha.

Vázquez explicou que este recoñecemento, concedido pola Asociación de Educación Ambiental e do Consumidor (Adeac), busca pór en valor o papel das sendas e camiños como recurso valioso para gozar da natureza, realizar actividades deportivas e de lecer ao aire libre e aprender a interpretar ambientalmente a contorna.

Nun comunicado destacan que os 35 sendeiros pertencen a 20 concellos, dos que sete están na provincia da Coruña, catro na de Lugo e nove na de Pontevedra. Por municipios, Sanxenxo, con sete itinerarios recoñecidos, é o municipio español con máis galardóns.

A nivel nacional, por detrás de Galicia sitúanse a Comunidade Valenciana, con 22 itinerarios; Andalucía, con 14 rutas recoñecidas; e Murcia, que en 2023 contará cunha decena de carreiros con bandeira azul.

A conselleira de Medio Ambiente, Ángeles Vázquez, no izado do distintivo como sendeiro azul no Saladoiro de Caión, no municipio da Laracha
A conselleira de Medio Ambiente, Ángeles Vázquez, no izado do distintivo como sendeiro azul no Saladoiro de Caión, no municipio da Laracha | Fonte: Europa Press

Comparte esta noticia
¿Gústache esta noticia?
Colabora para que sexan moitas máis activando GCplus
Que é GC plus? Achegas    icona Paypal icona VISA
Comenta