Rodríguez Villarino, de alcalde de Amoeiro, a candidato en Ourense e, agora, de San Cibrao das Viñas

O secretario xeral do PSdeG appia a candidatura.

Por Europa Press / Redacción | SANTIAGO DE COMPOSTELA | 22/03/2023 | Actualizada ás 19:55

Comparte esta noticia



O secretario provincial do PSOE de Ourense, Rafael Rodríguez Villarino, será o candidato da formación á Alcaldía de San Cibrao das Viñas (Ourense).

Villarino, que nas pasadas eleccións municipais foi o candidato socialista á Alcaldía de Ourense, confirmou a súa candidatura tras dala a coñecer nunha entrevista realizada na Cadea COPE.

Así pois, expuxo que a presentación oficial terá lugar o día que se presente a lista ao completo, algo para o que aínda non hai unha data elixida.

"Imos presentando candidaturas por comarcas e aínda quedan algunhas por exemplo a do Carballiño, que irá antes que as candidaturas da comarca de Ourense, na que se incluiría San Cibrao das Viñas", explicou Villarino.

O que si relatou é que a decisión "se tomou nunha reunión da executiva o pasado venres". Todo iso sucede despois de que a dirección do Partido Socialista decidise suspender as primarias en Ourense e elixise a Francisco Rodríguez como candidato para o próximo 28 de maio, unha decisión tras a que Villarino renunciou ao seu cargo como portavoz da formación no concello, deixando no seu lugar a Natalia Beneítez, quen ocupa o número 2 da lista de Francisco Rodríguez.

Polo momento, Villarino expuxo que "non están definidos todos os candidatos da provincia", polo que "aínda están a traballar" para que nos 92 municipios se poida votar ao Partido Socialista.

No seu caso, Rodríguez Villarino competirá pola alcaldía de San Cibrao das Viñas coa candidata do Partido Popular, Marta Novoa, a actual tenente de alcalde baixo o mandato de Manuel Pedro Fernández, que dá un paso ao lado.

Así as cousas, Rafael Rodríguez Villarino volvería disputar a alcaldía dun municipio da área metropolitana ourensá, posto que foi alcalde do concello de Amoeiro durante doce anos, desde o 2007 ata o ano 2019 cando renunciou oficialmente á alcaldía para presentarse como candidato á da cidade das Burgas. Alí foi a lista máis votada, con 9 dos 27 concelleiros, aínda que o pacto entre Democracia Ourensá e o Partido Popular impediu que asumise a alcaldía.

Precisamente, preguntado pola candidatura de Villarino nunha rolda de prensa celebrada este mércores, o secretario xeral do PSdeG, Valentín González Formoso, asegurou que se trata dunha "decisión autónoma" dunha agrupación e trasladou o apoio da dirección do partido á candidatura, convencido de que Villarino "vai facer un bo papel no Concello de San Cibrao".

Rafael Rodríguez Villarino. CANDIDATURA RAFAEL RODRÍGUEZ VILLARINO
Rafael Rodríguez Villarino. CANDIDATURA RAFAEL RODRÍGUEZ VILLARINO | Fonte: Europa Press

Comparte esta noticia
¿Gústache esta noticia?
Colabora para que sexan moitas máis activando GCplus
Que é GC plus? Achegas    icona Paypal icona VISA
Comenta
Comentarios 1 comentario

1 Gamela

Mira que deu a lata en Ourense ... a ver se o aturan en San Cibrao ?