Os falecidos con covid ascenden a 4.099 en Galicia, con 1.020 casos activos

Faleceron dúas mulleres, de 90 e 89 anos, con patoloxías previas

Por E.P. | Galicia | 23/03/2023 | Actualizada ás 11:40

Comparte esta noticia

Os falecidos con covid elévanse a 4.099 desde o inicio da pandemia en Galicia (+2), que rexistra 1.020 casos activos (+46), fronte aos 974 notificados na xornada anterior.

Así se recolle no último parte actualizado da Dirección Xeral de Saúde Pública da Consellería de Sanidade que informa os falecementos de dúas mulleres, unha de 90 anos na área sanitaria de Ferrol, e outra de 89 anos na área de Lugo, A Mariña e Monforte de Lemos. Ambas presentaban patoloxías previas.

En canto aos casos activos, cos datos ás 18,00 horas do mércores, na área sanitaria da Coruña son 224 (+12); 98 na de Lugo (+6); 127 na de Ourense (+8); 123 na de Pontevedra (+12); 170 na de Vigo (+5); 182 na de Santiago (+3) e 96 na de Ferrol (sen cambios).

Do total de pacientes positivos, sete están en UCI (sen cambios) e 169 en unidades convencionais (-9). Por áreas sanitarias, na área da Coruña están 48 en planta (-5) e un en UCI; na de Ferrol, 12 (-6) e unha, respectivamente e na de Lugo son nove en planta (+1) e sen persoas en unidade de coidados intensivos.

En Ourense, son 19 en planta e un en UCI (sen cambios); en Pontevedra, son 27 en planta (+2), sen pacientes en unidade de coidados intensivos; en Santiago, 36 en planta (+2) e catro en UCI, mentres que en Vigo son 18 hospitalizados (-3) e ningún en UCI.

Proba PCR e antíxeno da covid
Proba PCR e antíxeno da covid | Fonte: JCCM

Comparte esta noticia
¿Gústache esta noticia?
Colabora para que sexan moitas máis activando GCplus
Que é GC plus? Achegas    icona Paypal icona VISA
Comenta