Evacúan dez menores a centros sanitarios tras vir abaixo a plataforma dunha atracción de feira en Narón
A todos eles foron levado ao hospital de campaña que está instalado na zona, recibindo o alta neste lugar boa parte deles, sendo trasladados os outros dez aos centros sanitarios.
Por Europa Press / Redacción | SANTIAGO DE COMPOSTELA | 30/04/2023 | Actualizada ás 12:47
Sete menores de idade foron trasladados ao Hospital Arquitecto Marcide de Ferrol e outro tres ao Hospital Ribeira Juan Cardona, sobre as 0,40 horas deste domingo, tras vir abaixo a plataforma dunha atracción de feira na que se atopaban nas festas patronais do Alto do Castaño, en Narón.
Por causas que se investigan dita plataforma, na que viaxaban no momento do incidente, sobre as 0,30 horas, quince persoas, veu abaixo cando estaba a media altura do seu percorrido, tras romper os dous eixos sobre os que se suxeitaba.
Tras precipitarse sobre a base, os viaxeiros foron evacuados de maneira ordenada, algúns deles, debido á súa idade, comezaron a chorar, personándose na zona de inmediato axentes da Policía Local de Narón, Policía Nacional da comisaria de Ferrol-Narón, profesionais do Servizo de Protección, Extinción de Incendios e Salvamento (SPEIS) de Narón, ademais de efectivos de Protección Civil de Narón, xa que todos eles forman parte do dispositivo de emerxencias posto en marcha polo Concello de Narón para estas festas.
A todos eles foron levado ao hospital de campaña que está instalado na zona, recibindo o alta neste lugar boa parte deles, sendo trasladados os outros dez aos centros sanitarios. Tras ser atendidos todos eles foron dados de alta, algúns con lesións leves nas extremidades superiores
PRECINTADO
Tras este incidente axentes da Policía Nacional procederon ao precintado da atracción, de nome "Jamaica" e propiedade duns empresarios deste sector residentes en Narón e dunha longa tradición neste ámbito. Ademais, fontes consultadas detallaron que esta atracción é moi nova, xa que foi estreada en setembro de 2021, tras ser encargada en Italia, e que este incidente conmocionou a esta familia, que agarda a pronta recuperación de todos os afectados.
Desde o Concello de Narón trasladouse que "a organización do evento presentou memoria técnica de seguridade que inclúe documentación da atracción, a requirida por lei". Ademais, antes do inicio do festexo "un técnico realizou inspección de elementos mecánicos e eléctricos de todas ás atraccións instaladas" e realizouse "proba de funcionamento con resultado de apto para o uso". Desde o Concello de Narón lamentan "o sucedido e desexamos unha pronta recuperación ás persoas afectadas".
