Baixa o prezo das vivendas en aluguer en Galicia

O prezo da vivenda en aluguer pechou abril en 5,42 euros por metro cadrado de media en Galicia, o que supón un 1,09% menos que en marzo e unha caída do 3,2% en comparación co mesmo mes de 2022, segundo datos do informe mensual de pisos.com.

Este descenso dista das cifras rexistradas a nivel estatal, xa que no total de España o prezo do aluguer subiu un 5,51% o mes pasado, ata os 10,73 euros o metro cadrado de media.

Por provincias, na Coruña o prezo medio foi de 5,39 euros, un 3,92% menos que hai un ano, mentres que en Lugo quedou nos 4,66 euros, un 0,21% menos. En Ourense, os cidadáns pagaron de media 3,91 euros por metro, un 4,63% menos, así como en Pontevedra, que este prezo foi de 7,13 euros, un 3,54% menos.

DATOS ESTATAIS

A nivel español, o prezo da vivenda en aluguer pechou abril en 10,73 euros por metro cadrado, un 1,13% máis que en marzo e un 5,51% por encima das cifras rexistradas en abril de 2022, sempre segundo o informe de pisos.com.

As autonomías máis caras para vivir de aluguer foron Baleares, onde o prezo do metro cadrado situouse en abril en 15,44 euros, seguidos dos 14,30 euros por metro cadrado de Madrid e dos 11,83 euros por metro cadrado de Cataluña.