Adega desenvolverá un 'maratón de biodiversidade' nos ríos Arnego e Tambre

Por Galicia Confidencial | SANTIAGO DE COMPOSTELA | 26/05/2023 | Actualizada ás 10:00

Comparte esta noticia

A Asociación para a Defensa Ecolóxica de Galiza (Adega) organizará este sábado, 27 de maio, un maratón de biodiversidade ou 'Bioblitz' nos ríos Arnego e Tambre. Esta iniciativa consiste en realizar un censo exhaustivo das especies de flora e fauna nun tempo reducido.

O río Tambre desbordado no concello de Oroso na Coruña
O río Tambre desbordado no concello de Oroso na Coruña

Trátase dunha actividade de Ciencia Cidadá e descubrimento da biodiversidade local na que profesionais da ciencia que estudan distintos grupos de flora e fauna tentarán identificar o maior número de organismos vivos que habitan no río Arnego e no río Tambre, coa colaboración de todas as persoas que queiran sumarse a este reto e achegar o seu gran de area ao inventario de especies e o descubrimento do patrimonio natural destes espazos.

Da man de especialistas de Adega e axudados por persoas voluntarias (afeccionadas ou cidadanía sen coñecementos previos) preténdese recoñecer o máximo número de especies, tanto de animais como de plantas e liques.

Comparte esta noticia
¿Gústache esta noticia?
Colabora para que sexan moitas máis activando GCplus
Que é GC plus? Achegas    icona Paypal icona VISA
Comenta