Rueda suxire que foi unha decisión política deixar a Altri sen fondos europeos

"Que un anuncio dese calado o saibamos pola vicepresidenta xa di moito, aínda que logo diga que ela é neura nesta decisión". Así se referiu o presidente Rueda a deixar á megacelulosa Altri sen axudas do Perte industrial. E, aínda que non quixo pronunciar a palabra "decisión política", si evitou defender o traballo dos técnicos do Goberno central que avalaron esta decisión, como si volveu facer cos técnicos da Xunta que aprovaron os informes de impacto ambiental.

Neste sentido, o presidente galego aludiu a unha das argumentacións --non todas-- aducidas polo Goberno central para non conceder estas axudas; a imposibilidade de cumplir os prazos previstos. "Dada a tardanza nas adxudicacións, a ver se outras industrias que si recibirán as axudas van poder xustificar prazos", dixo 

O presidente galego volveu a cargar contra Yolanda Díaz por anunciar, a través das redes sociais, unha decisión tan importante. "O que critico son as declaracións da vicepresidenta, que xa hai tempo que se leva opoñendo a esta industria. Non foi imparcial neste asunto", indicou. E, como xa fixo en máis ocasións, volveu insistir nun informe, dixo, o da DIA, que foi avalado por "máis de 40 técnicos".

FONDOS

Tras a retirada dos fondos por parte do Goberno central, Rueda volveu confirmar, tamén, que non serán "compensados" con fondos da Xunta.