A condutora dun vehículo que chocou contra o muro dunha leira e ardeu foi trasladada ao hospital en Ourense
Unha pequena superficie de vexetación foi pasto das chamas, segundo engade, pero puido controlarse, evitándose a propagación do incendio.
Por Europa Press / Redacción | OURENSE | 24/08/2023 | Actualizada ás 11:27
A condutora e única ocupante dun vehículo que se saíu da vía e incendiouse na N-525 resultou ferida e trasladada ao complexo hospitalario universitario de Ourense, segundo informa a Garda Civil. O accidente produciuse sobre as 8.15 horas, cando a central operativa de servizos da Garda Civil de Ourense recibiu unha chamada informando da saída da vía dun turismo pola marxe dereita e posterior incendio, no punto quilométrico 243,700 da estrada N-525 (Zamora-Santiago), pertencente ao termo municipal de Ourense.
Ao lugar desprazáronse tres patrullas do destacamento de Tráfico da Garda Civil de Ourense, que puideron comprobar que un turismo marca Volkswagen Bora saíuse pola marxe dereita da vía e, tras chocar contra unhas pedras de cerramento dunha leira lindeira, incendiouse. A condutora e única ocupante puido saír do vehículo cando comezaba a arder, non entanto foi traslada ao CHUO para ser atendida das lesións sufridas como consecuencia do choque, sinala a Garda Civil.
Unha pequena superficie de vexetación foi pasto das chamas, segundo engade, pero puido controlarse, evitándose a propagación do incendio. Para atender esta incidencia foi preciso mobilizar a tres patrullas de motoristas da Garda Civil de Ourense, Protección Civil de Coles, GES de Pereiro e de Vilamarín e axentes de Medio Rural da Xunta de Galicia.
