Por Europa Press / Redacción | SANTIAGO DE COMPOSTELA | 25/08/2023 | Actualizada ás 14:30
O presidente da Xunta, Alfonso Rueda, desprazouse este venres ata o Concello ourensán de Piñor para visitar o fin de obra do albergue de peregrinos, un acto no que pediu que "despois de tantas promesas", "non termine o ano" sen que chegue a alta velocidade a toda Galicia. Actualmente, a alta velocidade xa chega a Ourense desde decembro do 2021.
Rueda explicou que "espera sinceramente" que se dea este paso, porque "influiría moitísimo" para desestacionalizar o turismo e para conseguir que "siga vindo xente nos meses non centrais do verán". "Tiña que chegar hai moitísimo tempo", insistiu o titular autonómico, lamentando que "se fixeron tantas promesas e aínda non se cumpriron".
Durante a visita, Rueda lembrou que Galicia recibiu case un 10% máis de turistas neste ano con respecto ao sete primeiros meses do 2022, a pesar de ser aquel Ano Santo. Neste sentido, defendeu que os meses de verán "son fundamentais" e Galicia está preparada para acoller turistas, pero indicou que "é moi importante que empecen a vir o resto de meses".
Segundo os profesionais das axencias de viaxe, engadiu o presidente, Galicia "terá un final de ano tamén moi bo con moitas previsións de reservas para os meses de setembro e outubro", algo que describiu como "unha magnífica noticia".
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións).
Agradecemos a túa colaboración.