Ameazaban con darlle unha malleira tras pedir servizos de prostitución por Internet
A Garda Civil desarticula un grupo criminal que extorsionou a un veciño de Ames que solicitara servizos de prostitución.
Por Europa Press / Redacción | SANTIAGO DE COMPOSTELA | 29/09/2023 | Actualizada ás 09:47
Un equipo da Garda Civil de Milladoiro, en Ames, desarticulou un grupo criminal acusado de extorsionar a un veciño desta localidade coruñesa que solicitaba servizos de prostitución a través de Internet.
A operación, informou o corpo, iniciouse a principios deste ano, cando un veciño de Ames acudiu á Garda Civil para denunciar que estaba a ser ameazado e extorsionado, recibindo chamadas e mensaxes no seu teléfono móbil. Por temor a que esas ameazas secumpliesen, o home realizara diversos pagos por valor de 4.900 euros.
A victima explicou que buscara varios servizos de carácter sexual por Internet e que, pasados uns días, recibira no seu teléfono móbil unha mensaxe onde lle indicaban que estivera falando con mulleres de compañía e que lles fixo perder o tempo ao non acudir á cita. Nas mensaxes, pedíanlle que abonase a cantidade de 5.000 euros e, de non facelo, aseguraban que se presentarían no seu domicilio e lugar de traballo, "ameazándoo con pegarlle unha malleira e esnaquizarlle a vida".
A Garda Civil iniciou entón unha investigación que derivou na localización de catro persoas, dous residentes en Valencia e outras dúas en Zaragoza. Todos tiñan antecedentes por feitos similares.
Os investigados, explican os axentes, cometían o coñecido 'Timo do Sicario', "ameazando e esixindo diñeiro a cambio de non enviar a un sicario aos domicilios das victimas que solicitaban servizos sexuais a través de Internet". Para iso, válense de falsos anuncios en páxinas de contactos.
