Rueda aos galegos da diáspora: "Sodes xente sacrificada, como somos os galegos en todas partes"

O presidente da Xunta, Alfonso Rueda, reivindicou o papel da comunidade galega na diáspora, á que destacou como "a mellor embaixadora" no mundo de "o que significa" Galicia.  "Sodes xente traballadora e sacrificada, como somos os galegos en todas partes, e os ollos de Galicia e cando a xente vos ve, está a ver un cacho de Galicia en cada un dos vosos países e estamos moi agradecidos", sinalou Rueda nun encontro en Santiago con máis dun centenar de participantes no programa 'Reencontros con Galicia'.

Esta iniciativa permite a galegos maiores de 65 residentes noutros países regresar á súa terra de orixe durante dez días, segundo explica a Xunta. 

I ENCONTRO MUNDIAL DE EMPRESARIOS GALEGOS EN URUGUAI

A directora do Igape, Covadonga Toca, participou este mércores en Santiago na presentación do I Encontro Mundial de Empresarios Galegos en Uruguai, un evento que se celebrará o próximo mes de novembro en Montevideo e que permitirá reforzar "a xa importante relación comercial entre ambas as rexións". O encontro terá lugar entre o 16 e o 18 de novembro en Montevideo e Punta do Leste.

"Vós sodes os nosos embaixadores no mundo; representades a imaxe dunha Galicia que, grazas ao voso traballo, reforzou a súa proxección internacional", profundou Covadonga Toca, destacando a importancia que teñen as asociacións galegas de empresarios no exterior na proxección internacional e na "consolidación da Marca Galicia" en todo o mundo.